De acordo cos seus estatutos, AEMET ten encomendada a realización de estudos e investigacións nos campos das ciencias atmosféricas e o desenvolvemento de técnicas e aplicacións que permitan á Axencia o progreso no coñecemento do tempo e o clima e unha axeitada adaptación ao progreso científico e tecnolóxico, necesario para o exercicio das súas funcións e para a mellora dos seus servizos, así como a colaboración con outros organismos nacionais e internacionais no desenvolvemento de proxectos de I+D. Os proxectos de innovación tecnolóxica no ámbito das infraestruturas de observación meteorolóxica e das tecnoloxías da información e as comunicacións son indispensables para a calidade, dispoñibilidade e puntualidade dos produtos que xera diariamente e para o traslado á operación dos novos desenvolvementos científicos.