Axencia Estatal de Meteorología

Predicións en 8124 concellos de España. Deben interpretarse como a tendencia máis probable da evolución meteorolóxica nos próximos 7 días.

A "Predición por horas" presenta a información de hora en hora ata 48 horas despois da hora nominal de actualización dos modelos numéricos (00, 06, 12 e 18 UTC), mentres que a "Predición 7 días" abarca o período completo.

A hora local para a que se predín todas as variables instantáneas é a que figura na liña temporal. Para as variables acumuladas nunha hora (refacho máximo, precipitación e neve) considérase a partir dese momento e durante a hora seguinte (p. ex. a precipitación ás 09:00 corresponde á acumulada entre as 09:00 e 10:00).

Os intervalos hexahorarios ou maiores corresponden con horarios UTC, polo que hai que engadir unha hora en horario de inverno e dous no de verán.

Xéranse de forma automática mediante o tratamento estatístico dos resultados de modelos numéricos de predición, o que pode dar lugar a diferenzas con outras predicións realizadas pola Axencia, que son elaboradas por predictores que interpretan e adecúan os resultados dos modelos.

A selección faise por concellos e a información que se presenta son predicións para a capital do concello, dado que algúns termos municipais teñen unha ampla extensión xeográfica, así como diferenzas de altitude sensibles, algúns dos datos previstos poden variar dun lugar a outro deste.