Axencia Estatal de Meteorología

Introdución dos datos necesarios

Unha traxectoria queda definida polas coordenadas xeográficas (latitude e lonxitude) e polo tempo (data e hora) dos puntos de saída e de chegada

1. Datas:

Introdúcense as datas nas casas correspondentes co seguinte formato:

dd/mm/aaaa hh:mm

2. Coordenadas Latitude e lonxitude :

a. Mediante o rato:

• Márcase a casa Clicar Ruta.
• Pícase no mapa sobre os puntos polos que se desexa trazar a traxectoria.

b. Mediante o teclado:

• Introdúcense as coordenadas Latitude e Lonxitude do punto de Saída e de Chegada nas casas correspondentes en graos decimais.

Trazado da traxectoria coas predicións

Facendo  click no botón  Calcular, envíase toda a información ao servidor para procesala e xerar a traxectoria coa predición.

Ampliando o mapa pódense ver datos a intervalos de tempo e espazo cada vez menores.

Selección da información a visualizar

No panel PLOTEAR:

• Márcase a casa  vento se se desexa visualizar a devandita variable.
• Selecciónase unha das opcións de  Mar ( composto, vento ou de fondo) a visualizar.

Para visualizar todos os datos previstos nun punto da traxectoria, sitúase o cursor sobre este, e aparecerá un cadro con toda a  información obtida do modelo numérico de ondada:

• Data e hora
• Latitude e lonxitude
• Dirección e intensidade do vento
• Dirección, altura significativa e período do mar composto
• Dirección, altura significativa e período do mar de vento
• Dirección, altura significativa e período do mar de fondo

Información adicional

Pódese aplicar en calquera lugar do mundo xa que o modelo de ondada é un modelo a escala global.

En función dos datos de saída e de chegada, o sistema supón unha velocidade constante de desprazamento da embarcación.

A traxectoria calcúlase unindo os puntos seleccionados seguindo o camiño máis curto sobre a superficie terrestre (ortodrómica). Non distingue entre terra e auga.

O código de cores utilizado para cada parámetro (vento e ondada), permite ver dunha ollada a maior ou menor complicación da situación no mar.

Deslizando o cursor por un determinado punto debuxado sobre o mapa, desprégase unha ventá na que se pode ler a información completa no devandito punto, non só a escollida inicialmente.

Non constitúe un sistema xenuíno de "ship routing". Non se aconsella unha ruta, o usuario é quen a decide.